Sa report sa Philstar.com, gianunsyo ni Presidential Spokesperson Harry Roque nga gipirmahan na sa presidente ang memorandum nga nagmandong ibalik na ang kapolisan sa pakigbatok sa druga. AP/Aaron Favila

PNP balik sa war on drugs
Camille Pateres (Banat) - December 5, 2017 - 4:00pm

CEBU, Philippines — Mobalik na ang kapolisan sa war on drugs human pormal nga gipirmahan ni Presidente Rodrigo Duterte ang memorandum kabahin niini. “The PNP is welcoming that development. It is a positive development for us,” sigun pa sa tigpamaba sa Police Regional Office 7 Supt. Reyman Tolentin.

Sa report sa Philstar.com, gianunsyo ni Presidential Spokesperson Harry Roque nga gipirmahan na sa presidente ang memorandum nga nagmandong ibalik na ang kapolisan sa pakigbatok sa druga.

Apan magpabilin ang Philippine Drug Enforcement Agency 7 isip lead agency sa gubat kontra druga.

Human sa duha ka buwang pagpahulay sa kapolisan sa operasyon batok druga, si Tolentin mitataw nga andam na ang kapolisan sa maong kampanya sanglit nagmalampuson man usab ang ilang internal cleansing.

Gipaundang ni Duterte ang kapolisan sa kampanya batok druga tungod sa mga isyu nga giabusaran sa kapolisan ang maong kampanya ug matud pa nalambigit sa extra-judicial killings sa mga drug suspects.

“We know for a fact nga walay igong ebidensya nga ang PNP maoy contributors sa EJK (Extra Judicial Killings). Kung moingon mo kung unsay measures nga among gibuhat, what we have done is only internal cleansing just to promote the services sa pagpakita nga tinud-anay gyud ni amoa,” pasalig pa ni Tolentin.

Giangkon usab niya nga dili gyud kaya sa PDEA ang maong bug-at nga responsibilidad tungod sa kakuwang nila og tawo kon itandi sa kapolisan.

“Personally,  I believe nga dili gyud makaya sa PDEA kay wa gyud silay tawo. I believed PNP really has to act on it kay iba man gud ang PNP kay nationwide naa sad tay igong personnel,” pangangkon pa ni Tolentin. (BANAT NEWS)

Philstar
Facebook
  • Latest
  • Trending
Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with