EDITORYAL - Ihiklin ang pamolitika
Rene U. Borromeo (Banat) - December 5, 2017 - 4:00pm

Moalegre pagbalik ang sesyon sa Cebu City Council karon nga nadugangan ang mga konsehal nga alyado sa Team Rama human nga gitudlo ni Presidente Duterte nga bag-ong konsehal sa siyudad si Renato Osmeña Jr. nga alyado sa Team Rama.

Si Junjun, anak ni kanhi Cebu City vice mayor Renato V. Osmeña ug gituboy sa pwesto pagka konsehal pinaagi sa United Nationalist Alliance (UNA). Siya maoy mihulip sa pwesto ni kanhi konsehal Nendel Hanz Abella nga mi-resign kay gitudlo nga commissioner sa National Labor Relations Commission (NLRC).

Patas na karon nga adunay walo ka konsehal ang magkaatbang nga politikanhong grupo - ang Bando Osmeña Pundok Kauswagan (BOPK) ug ang Team Rama. Base sa balaod, ang bise mayor nga maoy presiding officer sa City Council, makabotar lang kon adunay “tie,” kun managsama og botos ang mga konsehal nga nagkasungi sa ilang baruganan sa pagdiskuter sa usa ka isyu.

Kon si Vice Mayor Edgar Labella motan-aw gyud sa politika, sigurado nga kanunay’ng lupig ang mga alyado sa BOPK. Sagad gyud sa nanghitabo sa nanglabay nga mga sesyon sa City Council nga maghugpong gyud ang mga alyado sa Team Rama sa pagpatigbabaw sa ilang baruganan sa isyu.

Pananglit mao kini ang ipasuwabi sa Team Rama karon nga sila na ang mayoriya sa konseho, walay mahimo ang administrasyon ni Mayor Tomas Osmeña. Apan nindot kaayo ang pasalig sa bag-ong konsehal sa dakbayan sa Sugbo nga moserbisyo gyud siya pag-ayo tungod ug alang sa katawhan, ug dili tungod sa pamolitika.

Gipasalig ni Konsehal Junjun Osmeña nga kon masuta niya nga nindot ang mga tinguha sa administrasyon, iya kini nga suportahan tungod ug alang sa kaayohan sa kadaghanan nga mga lomulopyo dinhi sa dakbayan. Unta, mamenus-menos na ang pagpamolitika diha sa konseho sa dakbayan.

Philstar
Facebook
  • Latest
  • Trending
Trending
Latest
Trending
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with