EDITORYAL - Ang angay’ng pabayron
Rene U. Borromeo (Banat) - December 6, 2017 - 4:00pm

Ang kapin sa lima ka libo ka magtutudlo sa mga public elementary ug high schools dinhi sa dakbayan sa Sugbo, gimandoan sa Commission on Audit (COA) nga iuli sa Cebu City Hall ang gihatag kanila nga Cost of Living Allowance kaniadtong 2015 nga miabot og P80 milyones.

Tungod niini, daghang magtutudlo nga moretiro na sa serbisyo karong sunod tuig, dili na lang hatagan sa tag P10 mil nga cash assistance nga para unta kanila ug ihatag karong Disyembre 16, aron nga mogamay na lang ang kantidad nga ibanon na lang sa ilang mga retirement benefits.

Angay nga kadtong mga opisyal sa dakbayan sa Sugbo, apil ang mga opisyal sa Cebu City School Board, nga niinsister paghatag og COLA ngadto sa mga magtutudlo nga didto gikuha sa Special Education Fund (SEF) maoy pabayron sa kinatibuk-ang kantidad nga giisip sa COA nga ilegal ang paggasto.

Dili makamahay sila si Mayor Michael Rama, kanhi city treasurer Diwa Cuevas ug uban pa nga mga opisyal sa dakbayan ug sa City School Board, kay gipasidan-an na sila nga ang Special Education Fund dili mahimong gamiton sa paghatag og COLA sa mga magtutudlo.

Base sa balaod, ang SEF nga gikuha gikan sa real property taxes, gitagana aron gastuhon lang sa pagtukod og tunghaan, pagpaayo sa mga gubaong tunghaan, pagpamalit og mga libro nga magamit sa mga tinun-an, apan dili gayud kini angay’ng gamiton paghatag og sweldo sa mga magtutudlo.

Diha gani higayon nga ang city treasurer kaniadto, mihimo man gyud og “marginal note” nga gipirmahan niya ang dukomento aron mag-release ang kuwarta gikan sa panudlanan sa dakbayan, apan dunay pasidaan nga wala siya’y labot sa mahimong sangpotanan niini sa umaabot nga panahon.

Kon mohatag man og cash assistance, angay’ng dili kuhaon sa SEF aron legal gyud ug walay masugatan nga problema ang mga magtutudlo, pareho karon sa ilang giatubang.

Philstar
Facebook
  • Latest
  • Trending
Trending
Latest
Trending
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with